Huuldjast mammi tulle
Tõreles
et tekk om valeste
ja padi püürden
Es saanu mehega
öösi asjale vist
Käen siiber sihuke roheline
vähe roosteplekiline
Käen om kusemise aig
Putru tääpa ei anta –
hää
nao ep oskagi kiita
Körti jah antase
Mul pole ju hambit!
Kusejuumine pidi avitama
Mul om purk
Oma!
Ja alati annab är vinnata!
Nagu tuukurõrd kolhuusin
kuit pührdime Kustaga kuun
lõunaaigu võserikun
ikke noid maakivve korjaten
Ma ütli brigadiirile kohe:
„Et väikseid ei näe
ja suuri ei jõvva!”
Aa kardulaid sai öösi
mitu kotti seale süügiks
hobesega viidu
Aa magus olle Kustaga
igatahes paremp kui tuu tsaivesi
meda õdagul antasse
üten rosinasaiaga
Aga mul pole ju hambit
Laku tõist - saikest
Pane kilekotti varmale
Aa puusaluu tege valo
Eriti õdagu –
puru tõõne
Naabrimiis käie minnu kaeman
Ta vaht et mullik süvva joodet saas
Puul silmnägu enesel paisten –
lõvvaluu põlendik
Ütel et valimise tuleva
õkva ja prõlla
Sis ma olle kodun
ehk tagasi
Arst kävve
Vahtse ussel
ise nuur
nagu uutmuudu uur
Mustaverd sääne
Kaie kaie
meit mõlempit
Kustat
Oh
minnu kah
Ma Maali maalt
aint ammu hobeseta
Ütel:
„Valimised võidavad need
kes ära parandavad hambad
teil kõigil!”
Meol kõigil
jah
njah
Aa keskit seda ei luba
Kartva vist:
võlts sotsialismus
tulessi siss õkva tagasi?
2011
„Raamideta Maalide Galerii” 2011
